Dövlət hesabına xaricdə təhsil: sən uyğunsan?

Xeyr. Proqram universitetə qəbulu həyata keçirmir. Əvvəl özün siyahıdakı universitetdən qəbul alırsan (və ya artıq orada oxuyursan), sonra dövlət təhsil və yaşayış xərclərini ödəyir. Qəbul məktubu olmadan sənəd təqdim etmək olmur.

Yalnız IB, A-level və ya AP nəticən müəyyən bal aralığındadırsa dil sertifikatından azadsan. Qalan hallarda tədris dilində C1 sertifikatı lazımdır: IELTS 7.0+, TOEFL iBT 5.0+ (yeni 1–6 şkala), Duolingo 130+ və ya digər C1 sertifikatı (TestDAF, DELF, HSK, TÖMER və s.).

Bəli. SAT və ya ACT-də maksimum nəticənin 75%-i və daha çoxu (SAT 1200+, ACT 27+), beynəlxalq olimpiada medalı, ya da IB / A-level / AP nəticəsi DİM tələbini əvəz edir. DİM ilə gedirsənsə: texniki, təbiət, səhiyyə, kənd təsərrüfatı sahələrində ən azı 400, digər sahələrdə 550 bal.

Təhsil haqqı, viza və qeydiyyat, aylıq yaşayış (ölkəyə görə norma ilə), tibbi sığorta, beynəlxalq aviabilet və bank/kart xərcləri. Ödənişlər "DP 2022–2028 Təqaüd Kartı" ilə edilir; kart təhsilə başladığını təsdiq edən sənədlərdən sonra aktivləşir.

Xeyr. Hazırlıq (foundation) və dil kursları maliyyələşmir. Qəbul məktubu almaq üçün universitetə ödədiyin məbləğə görə də proqram məsuliyyət daşımır. Cari tədris ili üçün öz hesabına ödədiyin təhsil haqqı isə qəbuldan sonra geri qaytarılır.

Xeyr. Yalnız ənənəvi əyani (offline) proqramlar maliyyələşir. Executive, distant, onlayn və non-degree proqramlar qəbul olunmur. İkili diplom (joint degree) yalnız bütün tərəfdaş universitetlər siyahıdadırsa keçir.

Xaricdə oxuyursansa, qalan hissənin maliyyələşməsi üçün müraciət edə bilərsən, bir şərtlə ki, normativ təhsil müddətinin yarısından çoxu keçməyib. Azərbaycanda oxuyursansa, xaricdə yenidən 1-ci kursa qəbul almalısan; bəzi universitetlər Azərbaycanda bitirdiyin kursları nəzərə alır (bax: testin nəticəsində universitet yolları).

Xeyr, yaş meyarı tətbiq olunmur. Amma eyni pillədə təhsilini artıq bitirmiş (məsələn, dövlət hesabına magistr olmuş) şəxslər həmin pillə üzrə yenidən müraciət edə bilməz.

Sənədləri qəbul olunan namizədlər müsahibəyə çağırılır. Ən azı 3 nəfərlik komissiya (Nazirlik, Dövlət Neft Fondu, dövlət qurumları) ixtisas biliyini, məntiqi düşüncəni, ünsiyyəti və özünəinamı qiymətləndirir; müsahibə Azərbaycan dilində və/və ya tədris dilində keçirilir, audio-video ilə yazılır. Yerlər azdırsa, əvvəl olimpiada qalibləri, sonra yekun bala görə sıralanır. Olimpiada medalçıları müsahibədən azaddır.

Bakalavr və magistrlər Nazirliklə müqavilə imzalayır. Doktorantlar əlavə olaraq təhsildən sonra Azərbaycanda universitetdə ən azı 5 il işləmək öhdəliyi götürür (notarial ərizə + yerli universitetin razılıq məktubu). Akademik borc yaranarsa, maliyyələşmə borc bağlanana qədər dayandırılır.

Ailə üzvlərinin yaşayış, nəqliyyat, sığorta və viza xərcləri ödənilmir, təqaüd artırılmır. Sosial statusa görə (məcburi köçkün, şəhid ailəsi və s.) güzəşt və ya imtiyaz nəzərdə tutulmayıb.

THE, QS və ya ARWU reytinqində ilk 10-da olan universitetlərin siyahıda olmayan proqramları da maliyyələşir (UCL istisnadır). Reytinqlər hər il dəyişir; adətən bu sıraya Oxford, Cambridge, Imperial, Harvard, MIT, Stanford, Caltech, Princeton, Yale, Columbia, Chicago, Penn, ETH Zürich və NUS daxil olur. Bu yol siyahıda olmayan ixtisaslar (məsələn, hüquq, siyasət) üçün əsas imkandır, amma qəbul tələbləri çox yüksəkdir.

Xeyr. Nazirlik xaricdə təhsil şirkətləri ilə əməkdaşlıq etmir. EDDE Global sənə universitet seçimi, qəbul, dil hazırlığı, DP sənədlərinin hazırlanması və müsahibəyə hazırlıqda kömək edir; Dövlət Proqramına müraciəti isə özün portal.edu.az-da edirsən. Rəsmi məlumat: dp.edu.az.