Dövlət Proqramı bələdçisi · 2026/27 məlumatları əsasında
Dövlət hesabına xaricdə təhsil: sən uyğunsan?
"Xaricdə təhsil üzrə Dövlət Proqramı" (2022–2028) təhsil haqqını, aylıq yaşayışı, vizanı, sığortanı və aviabileti ödəyir. 2 dəqiqəlik testlə uyğunluğunu yoxla, sənə uyğun proqramları tap, dövlətin sənin üçün təxminən nə qədər ödəyəcəyini hesabla.
Bu, EDDE Global-ın müstəqil məlumat alətidir; Elm və Təhsil Nazirliyi və ya DPİQ ilə əlaqəli deyil. Rəsmi məlumat və müraciət: dp.edu.az.
Proqram necə işləyir?
Ən vacib qayda: dövlət sənə universitet tapmır. Əvvəl özün siyahıdakı universitetə qəbul alırsan, sonra dövlət xərcləri öz üzərinə götürür.
Siyahıdan universitet və proqram seç2026/27 siyahısında 15 sahə üzrə ~4 100 proqram var. Siyahıda olmayan proqram maliyyələşmir.
Universitetə müraciət et və qəbul alMüraciətlər adətən noyabr–mart aylarında olur. Şərtli qəbul yalnız müəyyən hallarda keçir.
C1 səviyyəli dil sertifikatıIELTS (7.0+), TOEFL, Duolingo (130+) və s. Bakalavrda IB / A-level / AP nəticəsi varsa tələb olunmur.
portal.edu.az-da Dövlət Proqramına müraciətaprel–iyunSənədlər PDF formatında yüklənir. 2026/27 üçün son tarix 05.06.2026 idi.
MüsahibəKomissiya ixtisas biliyini, məntiqi düşüncəni və ünsiyyəti qiymətləndirir. Keçid balı 50 baldan 40-dır.
Müqavilə və maliyyələşməTəhsil haqqı, aylıq yaşayış, viza, tibbi sığorta, aviabilet və bank xərcləri ödənilir.
Uyğunluq testi
8 suala cavab ver, hansı tələbləri artıq ödədiyini və nəyin çatışmadığını gör. Heç bir şəxsi məlumat soruşulmur.
Sənin nəticən
Proqram axtarışı
2026/27 tədris ili üçün Dövlət Proqramının siyahısı. Hər universitetin yanında 2022–2028 proqramı çərçivəsində ora neçə nəfərin təhsil hüququ qazandığı göstərilir.
Qeyd: Top-10 universitetlərin (THE/QS/ARWU) siyahıda olmayan proqramları da qəbul olunur (UCL istisnadır). "Mədəniyyət və incəsənət" üzrə ayrıca 18 qurum var: Juilliard, Royal College of Music, Royal Academy of Music, Guildhall, NFTS, Goldsmiths, Liszt Academy və s. Siyahı hər il yenilənir; müraciətdən əvvəl rəsmi PDF-i yoxlayın.
Maliyyə kalkulyatoru
Aylıq yaşayış normaları Nazirlər Kabinetinin 218 nömrəli qərarına görədir. Təhsil haqqını öz proqramına görə yaz.
Kim, harada oxuyur? (2022–2028 proqramı)
dp.edu.az-da dərc olunan "təhsil almaq hüququ qazanan iştirakçılar" siyahısı əsasında (2 252 nəfər).
Ölkələr
Ən çox seçilən universitetlər
Magistraturada populyar ixtisaslar
Bakalavrda populyar ixtisaslar
Sentyabr 2027 üçün təqvim
Tarixlər keçən illərin təcrübəsinə əsaslanır və təxminidir; rəsmi elanı dp.edu.az-da izləyin.
- İNDİ – DEKABR 2026Universitet və proqram seçimi, IELTS / TOEFL hazırlığı
Siyahıdan 3–5 proqram seç, C1 üçün dil hazırlığına başla.
- NOYABR 2026 – MART 2027Universitetlərə müraciət
Motivasiya məktubu, CV, tövsiyələr. Məqsəd: qəbul məktubu almaq.
- MART – APREL 2027DP sənədlərinin hazırlığı
2 tövsiyə məktubu (Nazirliyə ünvanlı), sağlamlıq arayışı (AZS-086/1), hərbi sənəd, transkript (ÜOMG), dil sertifikatı.
- APREL – İYUN 2027Dövlət Proqramına müraciət (portal.edu.az)
Elan çıxan kimi sənədləri PDF formatında yüklə. 2026-da son tarix 5 iyun idi.
- İYUN – AVQUST 2027Müsahibə, nəticə, müqavilə və viza
Müsahibəyə hazırlaş: ixtisas, motivasiya, gələcək planların.
- SENTYABR 2027Təhsilə başlanğıc
Təqaüd kartı aktivləşir, aylıq yaşayış xərcləri ödənilir.
EDDE Global bu yolun hansı hissəsində kömək edir?
✓ Yol xəritən hazırdır!
PDF faylı yükləndi. Məsləhətçimiz tezliklə səninlə əlaqə saxlayacaq və növbəti addımları birlikdə planlaşdıracağıq.
Şəxsi yol xəritəni al (PDF)
Adına hazırlanmış PDF: uyğunluq nəticən, çatışmayanlar, sənəd siyahısı və aylara görə plan. Məsləhətçimiz də səninlə əlaqə saxlayacaq.
Tez-tez verilən suallar
Qəbul almadan Dövlət Proqramına müraciət etmək olar?
Xeyr. Müraciət üçün siyahıdakı xarici universitetdən qəbul sənədi (və ya hazırda orada oxuduğunu göstərən arayış) lazımdır. Şərtli qəbul yalnız müəyyən hallarda qəbul olunur: bakalavr üçün ehtimal olunan attestat / Foundation / IB nəticəsi, depozit və ya financial declaration; magistr üçün ehtimal olunan ÜOMG və ya diplom şərti.
Hansı xərclər ödənilir?
Təhsil haqqı və universitetin məcburi tələb etdiyi xərclər, viza və qeydiyyat, aylıq yaşayış (ölkəyə görə norma), tibbi sığorta, beynəlxalq aviabilet, bank və kart xərcləri. Ailə üzvlərinin xərcləri, dil kursları və Foundation proqramı maliyyələşmir.
Onlayn və ya qiyabi proqram olar?
Xeyr. Yalnız ənənəvi əyani (offline) proqramlar maliyyələşir. Executive, distant, non-degree və tərəfdaşı siyahıda olmayan joint degree formaları qəbul olunmur.
Artıq xaricdə oxuyuram, müraciət edə bilərəm?
Bəli, əgər normativ təhsil müddətinin yarısından çoxunu bitirməmisənsə və proqramın siyahıdadırsa. Cari tədris ilinin təhsil haqqı geri ödənilə bilər, əvvəlki illərinki ödənilmir.
Yaş həddi varmı?
Yaş həddi tətbiq olunmur. Amma dövlət hesabına və ya hökumətlərarası təqaüdlə eyni pilləni (məs. magistraturanı) bitirmiş şəxslər həmin pillə üçün yenidən müraciət edə bilməz.
Müsahibə necə keçir?
Komissiya (ən azı 3 nəfər) ixtisas biliyini, məntiqi düşüncəni, ünsiyyət bacarığını və özünəinamı qiymətləndirir. Müsahibə Azərbaycan dilində və/və ya tədris dilində keçirilir. Keçid balı 50 baldan 40-dır. Beynəlxalq olimpiada medalçıları müsahibədən azaddır.
Təhsildən sonra öhdəlik varmı?
Bakalavr və magistrlər Nazirliklə ikitərəfli müqavilə imzalayır; şərtlər müqavilədə və dp.edu.az-dakı "öhdəliklər" bölməsində göstərilir. Doktorantlar təhsildən sonra Azərbaycanda universitetdə ən azı 5 il işləməlidir.
EDDE Global Dövlət Proqramının tərəfdaşıdır?
Xeyr. Nazirlik xaricdə təhsil şirkətləri ilə əməkdaşlıq etmir; Dövlət Proqramına müraciəti tələbə özü portal.edu.az üzərindən edir. EDDE Global universitet seçimi, qəbul, dil hazırlığı və sənədlərin hazırlanmasında müstəqil məsləhətçi kimi kömək edir.